የመለኮታዊ ብልጭታን ግፊት ወደ ወሳኝ መጠን እናድርስ (ክፍል 1)

★እናንተ የፈጠራችሁት ወደ መለኮታዊ ብልጭታ የሚያመራው የማዕበል መዞር

አሁን በምድር ላይ በመኖራችሁ ብቻ ምን ያህል የምድር የሰው ዘር እየዳነ እንደሆነ ታውቃላችሁ?

በምድር ዓለም ውስጥ የንቃተ ህሊና ዝግመተ ለውጥ አዲስ ነፋስን የነፋችሁትና የሰዎች ልብ በውስጣቸው ወዳለው መለኮታዊነት የሚመለከትበትን ፍሰት ማዕበል ያዞራችሁት ከእናንተ በቀር ማንም አይደለም።

መንገድ በሌለበት መንገድ በመሥራትና የሰው ዘር ሊጓዝበት እስኪችል ድረስ በማዘጋጀት ከሃምሳ ዓመት በላይ ስላሳለፋችሁ፣ ባሉት ፍልስፍናዎች ወይም የሃይማኖት አስተሳሰቦች ያልታሰረና እንደ «ኒው ኤጅ» ባሉ ቃላት የሚገለጽ የአዲስ መንፈሳዊ ሥልጣኔ ዘሮች ከ2018 ጀምሮ በመላው ዓለም ባሉ አገሮችና ቦታዎች በቅለዋል።

ያንን ሥራችሁን በአንድ ቃል ብንገልጸው፣ እናንተ መስታወት ራሱ ናችሁ ማለት እንችላለን።

የሰው ዘርን እውነት የሚያንጸባርቅ መስታወት።

የራሳችሁን መለኮታዊነት ይበልጥ ባጠራችሁ መጠን፣ በዚያው ልክ አሳቢ የምድር ሰዎች የልባቸውን ዓይኖች ወደ ሕይወት ምሥጢር ያዞራሉ፤ ከዚያም ቅዱስ የአኗኗር መንገድን ዓላማ ወደማድረግ ይሄዳሉ።

እስካሁን ያለውን ስንመለከት፣ ይህ ከፍተኛ ውጤት አስገኝቷል ማለት ትችላላችሁ።

ስለዚህ እንደገና እንበለው፦ «በየቀኑ ማድረግ ያለባችሁ ሌሎች ሰዎችን ራሳቸውን መለወጥ ሳይሆን፣ እንደ መለኮታዊ ፍጡራን የምታውቁትን የሰው ዘር ምስል ማንጸባረቅ ነው (የሰው ዘር ሁሉ ምንነት መለኮታዊ እንደሆነ ከልባችሁ ጥልቀት ማወቅ ነው)።» ያ ከሁሉ በላይ አስፈላጊው ተግባር ነው።

ያ የጸሎት ልባችሁና የተግባር መርሆአችሁ ምንነት ራሱ ነው።

የዕለት ተዕለት ሐሳቦቻችሁ፣ ቃላችሁና ተግባራችሁ እንደ አጠቃላዩ ሰዎች መጥፎ ነገርን አውቆ የተሻለ ለማድረግ መሞከር አይደሉም ማለት ትችላላችሁ። ይልቁንም በጸሎት ንዝረት ኮቶዳማ አማካኝነት ከመጀመሪያው መልካም ባሕርያት ያሉትን የሰው ዘር ምንነት እያሰማችሁ በሰው ዘር ሁሉ ልብ ጥልቀት ውስጥ ተኝቶ ያለውን መለኮታዊነት እያነቃቃችሁ ነው።

ይህን በማድረግ «በምድር ላይ ባለ በእያንዳንዱና በሁሉም ሰው ንቃተ ህሊና ውስጥ መለኮታዊ የመሆን ሞገድን የሚያስነሣ ግፊት» ትፈጥራላችሁ።

ያ ማለት በምድር ላይ ያለ እያንዳንዱ ሰው የሚልከው የንቃተ ህሊና ልኬትና አቅጣጫ በራሱ ሕይወት ጥልቀት ውስጥ ያለውን የመለኮታዊነት ብልጭታ ወደሚያገኝ የአላላክ መንገድ ይለወጣል ማለት ነው።

የሰው ዘርን ሁሉ እንደ መለኮታዊ ፍጡራን ባያችሁና የሰው ዘርን የመጀመሪያ ተፈጥሮ በልባችሁ መስታወት ውስጥ ባንጸባረቃችሁ (ባወቃችሁ) መጠን፣ ሰዎች በማንም ሳይገደዱ፣ ከራሳቸው ሕይወት ጥልቀት በሚነሡ ግንዛቤዎች አማካኝነት፣ እንደ ሙሉ በሙሉ ተፈጥሯዊ የልብ መለወጥ የራሳቸውን መለኮታዊነት ያነቃቃሉ።

ያ በትክክል የሰው ልጆች በመጀመሪያ ሊሆኑ የሚገባቸው መንገድ ነው። (ይቀጥላል)